Azərbaycanın ən yaşlı sakini hesab olunan Tamam Əzizovanın vəfatından sonra ölkənin ən uzunömürlü sakinlərinin siyahısında dəyişiklik baş verib.
Shimal.News xəbər verir ki, Lənkəran sakini olan Tamam Əzizova bu gün müalicə aldığı xəstəxanada dünyasını dəyişib.
Onun vəfatından sonra Azərbaycanın ən yaşlı sakini statusu Ağdaş rayonunun Hapıtlı kəndində yaşayan Bari Nəbiyevaya keçib. 1900-cü il təvəllüdlü olan Bari nənənin 126 yaşı olduğu bildirilir.
Diqqət çəkən məqamlardan biri isə ölkənin ən yaşlı sakinləri arasında Xaçmaz rayonunun da təmsil olunmasıdır. Belə ki, Qızpəri Əmrahova hazırda Azərbaycanın ən yaşlı insanları sırasında ilk sıralarda yer alır.
Nağıoba kəndində yaşayan Qızpəri nənənin 114 yaşı var. Uzunömürlü sakin illərdir kənddə yaşayır və bölgənin tanınmış ağbirçəklərindən hesab olunur.
