Xaçmazda çox istifadə olunan küçələrin kəsişməsində quraşdırılan yol nişanı çaşqınlıq yaradır. Bu barədə ShimalNews-a 27 iyul tarixində məlumat daxil olub.
Bu hal Ş.Sultanov və M.Ə.Rəsulzadə küçələrinin kəsişməsində müşahidə olunur. “Stop” yol nişanı bir istiqamətdə quraşdırılıb. Digər istiqamətdən hərəkət edənlər üçün nişanların olmaması anlaşılmazlığa səbəb olur.
Nişan olmayan istiqamətdən gələn nəqliyyat vasitələri bilmədən “Stop” olan tərəfi gözləyir, sonuncular isə qarşı tərəfi.
Daha öncə adıçəkilən ərazidə köhnədən quraşdırılan yol nişanlarının naməlum halda yoxa çıxması haqqında məlumat vermişdik.
