Xaçmaz şəhərində antisanitar vəziyyət aradan qaldırılıb.
Nəriman Nərimanov küçəsində (“Ay işığı” kafesinin yaxınlığı) bir neçə yerdə zibil qutuları olsa da, bəzi sakinlərin tullantıları küçəyə atdığı qeydə alınıb.
Məsələ ilə bağlı DİN-in Mətbuat Xidmətinin Quba regional qrupundan baş leytenant Xəyal Talıbov Shimal.News-a açıqlama verilib.
Bildirilib ki, şikayət Xaçmaz Rayon Polis Şöbəsi tərəfindən nəzarətə götürülüb və yaranan antisanitar vəziyyət aradan qaldırılıb. Ətraf mühitin mühafizəsi tələblərinə əməl etməyənlərə qarşı isə qanunamüvafiq tədbir görülüb.
Daha öncə, sözügedən natəmizlik sakinlərin narazılığına səbəb olduğu barədə xəbər dərc etmişdik.
