Xaçmaz şəhərinin Şixəli Qurbanov küçəsində, "Almaz" şadlıq sarayının yaxınlığında yerləşən qəzalı elektrik dirəyi sakinləri qorxu içində saxlayır.
Onlar Shimal.News-a müraciət edərək bildiriblər ki, dirək uzun müddətdir yararsız halda olsa da, son 10 gün ərzində onun qəzalılıq səviyyəsi daha da artıb. Ərazidə yaşayanlar dirəyin hər an aşaraq ciddi fəsadlara səbəb ola biləcəyindən ehtiyat edirlər.
Sakinlər bildirirlər ki, xüsusilə həyətlərdə oynayan uşaqlar risk altındadırlar. Güclü külək əsəndə faciə baş verə bilər.
Xaçmazlıların sözlərinə görə, problemlə bağlı aidiyyəti qurumlara müraciət edilsə də, indiyədək ərazidə hər hansı tədbir görülməyib.
