Xaçmazda yanacaqdoldurma məntəqəsi piyada və avtomobillər üçün təhlükəli vəziyyət yaradır.
Sakinləri Shimal.News-a bildiriblər ki, bu hal Bakı prospektinin Rəşid Behbudov küçəsi ilə kəsişməsində müşahidə olunur. “Azpetrol” yanacaq doldurma məntəqəsi (YDM) avtomobil yolunda dayanan iri həcmli nəqliyyat vasitələrinə dizel satışını həyata keçirir:
"Dəfələrlə bu ərazidə qəzalar olub, piyadaların vurulması halları olub. Burada infrastruktur qurularkən piyadaların hərəkəti ümumiyyətlə nəzərə alınmayıb”,- bildirilib.
Bütün bunlar diqər yol hərəkəti iştirakçıları üçün maneə törədir. İşıqforun qarşısı görsənmir və insanlar avtomobil yolu ilə hərəkət edir. Sonuncunun səbəbi isə sözügedən YDM, piyadaların istifadə etdiyi zolağını zəbt eləməsilə bağlıdır.
