Xaçmazın Çiləgir kəndinin girişində dəmir yolu körpüsü yenilənir. Bununla bağlı avtomobillərin hərəkətində çətinliklər əmələ gəlib. Bu haqda ShimalNews 17 dekabr tarixində məlumat verir və sosial şəbəkələrdə yayılan görüntüləri izləyicilərə təqdim edir.
Quruculuq işləri çərçivəsində körpünün altından keçid tam bağlıdır. Avtomobillər Tağlı körpüsündən keçərək yollarına davam etməli olur.
Sürücülərin sözlərinə görə, alternativ yol palçıq və nahamardır. Üstəlik hazırda marşrutun ensiz olması növbə yaradır. Görünür ki, bütün bunlar uzun müddət davam edəcək.
Daha öncə adıçəkilən ərazidə təmir işlərinin görüləcəyi haqda məlumat vermişdik.
