Xaçmaz şəhərinin Heydər Əliyev prospektində, köhnə Polis Şöbəsinin yaxınlığında piyadaların təhlükəsizliyi ilə bağlı ciddi problem yaranıb.
Shimal.News-a danışan sakinlərin sözlərinə görə, ərazidə mövcud olan piyada keçidinin xətləri demək olar ki, tamamilə silinib. Bundan əlavə, piyada keçidini göstərən yol nişanı da vaxtlı-vaxtında aqrotexniki qulluq göstərilmədiyindən ağac budaqlarının arxasında qalıb və sürücülər tərəfindən görünmür.
Problemi daha da təhlükəli edən məqam həmin hissənin döngəyə yaxın yerləşməsidir. Belə ki, sürücülər döngədən yüksək sürətlə keçdikləri zaman yolu qarşı tərəfə keçmək istəyən piyadalar üçün ciddi risk yaranır.
Sakinlər aidiyyəti qurumlardan piyada zolağının yenidən çəkilməsini, yol nişanının görünən vəziyyətə gətirilməsini tələb edirlər.
