Xaçmaz şəhər Mehman Babayev adına 1 nömrəli tam orta məktəbə aparan piyada səkilərinin vəziyyəti sakinlərin narahatlığına səbəb olub.
Məsələ ilə bağlı Shimal.News-a danışan yerlilərin sözlərinə görə, səkilərdə asfalt örtüyü yararsız hala düşüb, dərin çatlar və çökmələr əmələ gəlib.
“Bəzi hissələrdə səki örtüyü tamamilə dağılıb, bu da hərəkəti xüsusilə uşaqlar və yaşlılar üçün çətinləşdirir. Yolboyu bəzi yerlərdə aşağıdan keçən qaz boruları isə əlavə təhlükə yaradır.
Yağışlı havalarda çalaların su ilə dolması isə vəziyyəti daha da ağırlaşdırır”,- deyə sakinklər bildiriblər.
