Xaçmazın Xaspoladoba kəndi ərazisində körpünün dayaqları və üzərindəki birləşmələr aşınmaya məruz qalaraq çöküb.
Shimal.News xəbər verir ki, 10-dan artıq kəndi rayon mərkəzi ilə Qudyalçayın üzərindən birləşdirən bu körpü qəzalı vəziyyətə düşüb.
"Körpü hər an uça bilər. Avtomobillə qorxa-qorxa keçirik. Körpünün üzərində yaranmış çala-çökəklər avtomobillərə də ziyan vurur", - deyə yerli sakinlər bildiriblər.
Minlərlə sakinin gündəlik istifadə etdiyi bu körpünün qəzalı olması barədə müvafiq qurumlara məlumat verilsə də, tədbir görülməyib.
