Quba-Xaçmaz Regional Məşğulluq filialının təşkilatçılığı ilə Xaçmaz şəhərində əmək yarmarkası keçiriləcək.
Shimal.News xəbər verir ki, yarmarka 15 iyul 2026-cı il, saat 11:00-da Xaçmaz Olimpiya İdman Kompleksində baş tutacaq.
Tədbirdə iştirak etmək istəyən vətəndaşlardan şəxsiyyət vəsiqələrini təqdim etmələri tələb olunur. Namizədlərin CV (tərcümeyi-hal) nümunəsi ilə gəlmələri isə arzuolunandır.
Bildirilib ki, mövcud vakansiyalar, iş öhdəlikləri və əmək şərtləri barədə ətraflı məlumat yarmarka zamanı işaxtaranlara təqdim ediləcək.
Ünvan: Xaçmaz şəhəri, Bakı prospekti, Xaçmaz Olimpiya İdman Kompleksi.
