Dövlət İmtahan Mərkəzi tərəfindən keçirilən XI sinif buraxılış imtahanlarında Xaçmaz rayonu üzrə ən yüksək nəticə qeydə alınıb.
Shimal.News məlumat verir ki, Çiləgir kənd tam orta məktəbinin şagirdi Ayxan Yusifli imtahanda 295,4 bal toplayaraq rayon birincisi olub.
Onun atası media işçisi Elxan Yusifli Bizim.Media-ya Ayxanın uğurlarından və maraq dairəsindən danışıb:
"Onun fizika, riyaziyyat və ingilis dili fənlərinə xüsusi marağı var. Hələ yeddinci sinifdə oxuyarkən fizika üzrə respublika fənn olimpiadasında qızıl medal qazanmışdı".
Atasının sözlərinə görə, 1-ci qrup üzrə ali təhsilə hazırlaşan Ayxan gələcəkdə informasiya təhlükəsizliyi ixtisası üzrə təhsil almağı planlaşdırır. Onun hədəfləri arasında xaricdə təhsil almaq da var.
