Köhnə Xaçmaz kəndindən Xaçmaz şəhərinə gedənlər böyük məsafə qət etməyə məcbur olurlar.
Bu barədə Shimal.News-a məlumat verən sakinlər bildirirlər ki, çıxış yolu kimi onlar nəqliyyat vasitələrini Qudyalçayın sahilində saxlayıb, körpünü keçərək, piyada olaraq şəhərə üz tuturlar.
Vətəndaşlar bildiriblər ki, Taxta körpüdən istifadə günü-gündən təhlükəli olur. Sel suları sütünları yuyub, taxta döşəmə quruyub və laxlayır, tutacaq rolunu oynayan dəmir barmaqlıqlar isə yellənir.
“Körpü çox pis vəziyyətdədir. Onu əl ilə silkələmək belə rahatdır. Hər gün 500-700 şagird məktəbə gedəndə buradan keçir. Üstəlik, kəndin motosiklet sürücüləri də bu körpüdən istifadə edirlər”, – deyə sakinlər bildirib.
Köhnə Xaçmaz kənd sakinləri şəhərə daha qısa yol imkanından yararlanmağı arzu edirlər:
“Xaçmaz şəhərinə avtomobillə 10 km məsafə qət etmək lazımdır. Buna görə də, çayın üzərindən keçib, piyada gediri. Çox istərdik ki, burada üzərindən avtomobil keçə bilən körpü inşa edilsin”, - deyə sürücülərdən biri söyləyib.
