Xaçmazda “Mersedes” markalı avtomobil sürücüsü kobud qayda pozub. Dövlət Yol Polisinin əməkdaşları ona “saxla” işarəsi verib, amma o, tələbə məhəl qoymayaraq hərəkətini davam etdirib.
ShimalNews “Patrul.az”-a istinadən xəbər verir ki, görülən tədbirlər nəticəsində yol-hərəkəti qaydalarını davamlı şəkildə pozaraq digər hərəkət iştirakçılarının da sağlamlığı üçün təhlükə yaradan sürücü H.Hacımirzəyev saxlanılıb.
Barəsində İnzibati Xətalar Məcəlləsinin müvafiq maddələrinə əsasən inzibati protokol tərtib edilərək baxılması üçün məhkəməyə göndərilib. Məhkəmənin qərarı ilə cərimə edilən H.Hacımirzəyevin sürücülük hüququ 1 il müddətinə məhdudlaşdırılıb.
