Xaçmaz rayonunun Qaradağ Buduq kəndi ərazisində yeniyetmə velosipedçi qəzaya uğrayıb.
Shimal.News-un əldə etdiyi məlumata görə, hadisə Gəndob-Yalama yolunda qeydə alınıb.
"Ford Tranzit" markalı yük avtomobili 13 yaşlı Seyid Asif oğlu Əhmədovu vurub. Yaralı ağır vəziyyətdə Xaçmaz Rayon Mərkəzi Xəstəxanasına aparılıb, hazırda tibbi yardım göstərilir.
Bildirilir ki, yük avtomobili “Royal” telefon aksesuarları firmasına məxsusdur. Hadisə Azərxalça ASC-nin Xaçmaz filialının qarşısında qeyd alınıb.
Faktla bağlı araşdırma aparılır.
