Bu gün səhər saatlarında Xaçmaz şəhərində piyadanın vurulması ilə nəticələnən avtomobil qəzası qeydə alınıb.
Shimal.News xəbər verir ki, insident "Xaçmaz dairəsi" adlanan ərazidə baş verib. Belə ki, Volqa" markalı minik avtomobili 62 yaşlı sakin Nənəxanım Murad qızı Bahadırovanı vurub. Sürücü nəqliyyat vasitəsilə hadisə yerindən yayınıb.
Xəsarət alan qadın Xaçmaz rayon Mənzil Kommunal Təsərrüfatı Birliyinin süpürgəçisidir. Onu vuran sürücünün kimliyi məlum deyil.
Faktla bağlı araşdırma aparılır.
