Sabah Xaçmaz və Quba rayonlarının bir sıra yaşayış məntəqələrində qaz təchizatında müvəqqəti fasilə yaranacaq.
Shimal.News xəbər verir ki, bu barədə Xaçmaz Regional Qaz İstismarı İdarəsi məlumat yayıb.
Bildirilib ki, təmir-quraşdırma və payız-qış mövsümünə hazırlıq işləri ilə əlaqədar 28 iyul 2026-cı il saat 10:00-dan işlər başa çatanadək Xaçmaz rayonunun Padar, Armudpadar, Arzu, Suxtaqalaqışlaq, Hacıəlibəy, Yergüc, Bayoba, Sərkərli, Ağyazı-Buduq və Üçgünqışlaq kəndlərinin, həmçinin Quba rayonunun Zərdabi və Gənclər qəsəbələrinin, eləcə də Barlı, Amsarqışlaq, Mirzəqasım, Hacıqaib, Küpçalqışlaq, Əliməmmədoba və Çaydüzü kəndlərinin qaz təchizatında müvəqqəti fasilə olacaq.
