Xaçmaz rayonunun Cığatay kənd sakini yaşadığı evin qarşısından keçən elektrik xətlərinin təhlükəli vəziyyətdə olduğunu bildirir.
Məsələ ilə bağlı Shimal.News-a danışan sakinin sözlərinə görə, elektrik naqillərinin bəzi hissələri zədələnib və bu, narahatlıq yaradır.
"Evimin qarşısından keçən elektrik xətlərinin vəziyyəti təhlükəlidir. Dəfələrlə aidiyyəti quruma müraciət etmişəm. Gəlib baxış keçirirlər, lakin heç bir tədbir görülmür. Xüsusilə küləkli havalarda ciddi narahatlıq keçiririk", - deyə sakin bildirib.
Şikayətçi aidiyyəti qurumlardan problemin qısa zamanda aradan qaldırılmasını xahiş edir.
