Xaçmaz rayonunda çökmüş körpünün inşası yekunlaşmaq üzrədir. Bu haqda ShimalNews 29 noyabr tarixində Azərbaycan Avtomobil Yolları Dövlət Agentliyinə istinadən məlumat verir.
Qudyalçay üzərində inşa edilən yeni körpünün dayaqlarının, orta dayaq bünövrəsinin və sütunlarının inşası başa çatıb. Hazırda körpü üzərində piyada səkilərinin və təkərqaytaranların qurulması, asfalt-beton örtüyünün döşənməsi üçün hazırlıq işləri görülür.
İşlərin yaxın müddət ərzində yekunlaşması üçün əraziyə lazımi sayda qüvvə cəlb olunub.
Gəndob - Xaçmaz - Yalama - Rusiya Federasiyası ilə dövlət sərhədi avtomobil yolunun 27-ci km-də, Qudyalçay üzərində olan körpünü intensiv yağıntılar nəticəsində yaranmış sel sularının uçurması barədə məlumat vermişdik.
