Xaçmazın girişində yeni tikilən yol ayırıcısı sürücülərin narazılığına səbəb olub. Bu barədə ShimalNews 5 dekabr tarixində məlumat verir.
“Yenə dünən axşam bu şeytan yuvasında qəza baş verib. Dünən gecə bura “VAZ-2199” girib, avtomobil çox əzilib. Bəlkə artıq 20-ci avtomobildir ki, burada qəzaya düşür. Bunun bir çıxış yolu olmalıdır. Sürücülərə nə qədər zərər dəyməlidir ki, tədbir görülsün?”, - deyə sakinlər bildiriblər.
Həmin ərazidə qəzalar nəticəsində işıq dirəyi və beton döşəmə sıradan çıxmışdır. Bir müddət keçdikdən sonra məsələ gündəmə gətirilib həllini tapmışdır. Hazırda yenə işıq dirəyi və tikililər yararsız hala düşüb.
Daha öncə, adıçəkilən ərazidə baş verən hadisələr haqqında məlumat vermişdik.
