Qubanın Timiryazev qəsəbəsinin sakinləri çıxılmaz vəziyyətdə qalıblar. Buna səbəb isə hər yağan yağışdan sonra mərkəzi küçənin subasma ilə üzləşməsidir.
Məsələ ilə bağlı Shimal.News-a sakinlər məlumat verib. Onların sözlərinə görə, qeyd olunan küçə uzun müddət təmir olunmadığı üçün iri çalalar yaranıb. Yağış suları həmin çalalara dolur və küçə keçilməz olur.
“Bu küçə Quba-Bakı və Quba-Xaçmaz yollarını birləşdirir, bundan başqa küçədə uşaq bağçası yerləşir. Quba RMX-na gedən insanlar da bu yoldan istifadə edir. Yağış yağan kimi vəziyyət çətinləşir. Müraciət etmədiyimiz qurum qalmayıb amma təəssüf ki, bu yola bir maşın çınqıl tökülmür ”, - deyə sakinlər bildiriblər.
