Dövlət Ekoloji Təhlükəsizlik Xidməti Xızı, Quba, Qusar, Şabran, Siyəzən, Xaçmaz, İsmayıllı, Qəbələ, Ağsu, Şamaxı və digər rayonlarda nəqliyyat vasitələrinin yoxlamasını keçirib.
Shimal.News xəbər verir ki, "Təmiz hava" aylığı çərçivəsində keçirilən növbəti reydlərdə ümumilikdə 8031 avtonəqliyyat vasitəsinə baxış keçirilib.
Yoxlamaların keçirilməsi nəqliyyat vasitələri tərəfindən atmosfer havasının çirkləndirilməsinin hazırki vəziyyətinin öyrənilməsi, eyni zamanda ətraf mühitə müəyyən edilmiş normadan artıq çirkləndirici maddələr buraxan nəqliyyat vasitələrinin aşkar edilməsi və istismarının məhdudlaşdırılması, atmosfer havasının mühafizəsi haqqında qanunvericiliyin tələblərinin təmin edilməsi məqsədini daşıyır.
