Xaçmaz rayonunun Niyazabad kəndindən dəniz sahilinə aparan yolda təhlükəli vəziyyət yaranıb.
Shimal.News-un məlumatına görə, artıq bir müddətdir ki, güclü sel suları nəticəsində Qudyalçayın kənar hissəsi dağılaraq uçub və ərazidə dərin çatlar əmələ gəlib.
Sözügedən hissə kəskin döngədə yerləşir və burada heç bir xəbərdaredici nişan yoxdur. Bu isə, xüsusilə, sürücülər üçün olduqca təhlükəli vəziyyət yaradır.
Qeyd edək ki, bu il iyul ayında “Range Rover” markalı avtomobilin həmin çaya açması nəticəsində bir neçə nəfər xəsarət alıb.
