Sumqayıt-Yalama dəmiryol xəttinin yenidən qurulması işinin 53%-i icra olunub. Bu barədə ShimalNews 14 iyun tarixində məlumat verir.
"Azərbaycan Dəmir Yolları" QSC-nin Mətbuat Xidmətinin məlumatına görə, bir xətdə yenidənqurma işləri aparılır, ikincisində isə daşımalar həyata keçirilir.
"Şimal-Cənub" Beynəlxalq Nəqliyyat Dəhlizinin önəmli tərkib hissəsi olan Sumqayıt-Yalama dəmir yolu ölkəmiz üçün tranzit-logistika potensialının gücləndirilməsində önəmli rol oynayır. Artıq yolun 200 km-lik hissəsində yeni rels-şpal şəbəkəsi quraşdırılıb, 174 km dəmir yolu ilkin hərəkətə açılıb, 95 körpü, 225 dairəvi suötürücü boru, 13 ədəd heyvan keçidi və 7 ədəd yerüstü piyada keçidi inşa edilib.
Daha öncə adıçəkilən xəttin 48 %-inin yenidən qurulması haqqında xəbər vermişdik.
