Balakəndə polis əməkdaşları tərəfindən keçirilən reyd zamanı bir neçə sürücü məsuliyyətə cəlb edilib.
Shimal.News-a Daxili İşlər Nazirliyinin Mətbuat Xidmətinin Şəki regional qrupundan verildiyi məlumata görə, Balakəndə Dövlət Yol Polisi Bölməsi əməkdaşları profilaktik tədbir keçiriblər.
Reyd zamanı spirtli içki və “Ağ ölüm” vasitəsinin təsiri altında avtomobil idarə edən 5 sürücü, eləcə də avtoxuliqanlıq edərək digər hərəkət iştirakçılarına təhlükə yaradan 1 şəxs saxlanılıb.
Hüquq-mühafizə orqanları tərəfindən həmin şəxslər barəsində qanunvericiliyə uyğun tədbirlər görülüb.
Bundan başqa, yol-hərəkəti qaydalarını kobud şəkildə pozan digər sürücülər də inzibati məsuliyyətə cəlb olunublar.
