Bu gün igid şəhidlərimiz - Ağa Ağayev, Elşən Babazadə, Asif Əhmədov və Abit Məmmədovun doğum günüdür.
Ağa Əli oğlu Ağayev 2001-ci il aprelin 4-də Qusar rayonunun Yeni Həyat kəndində anadan olub. O, Vətən müharibəsində iştirak edib və oktyabrın 25-də şəhid olub.
Ağa Ağayev ölümündən sonra "Vətən uğrunda", "Laçının azad olunmasına görə" və "Suqovuşanın azad olunmasına görə" medalları ilə təltif edilib.
Asif Vasif oğlu Əhmədov 2001-ci il aprelin 4-də Şəki rayonunun Oxud kəndində anadan olub.
Vətən müharibəsində iştirak edən Asif Əhmədov Füzuli və Xocavənd uğrunda gedən döyüşlərdə böyük şücaət göstərib. O, oktyabrın 21-də Füzulinin Gecəgözlü kəndi istiqamətində şəhidlik zirvəsinə ucalıb.
Asif Əhmədov ölümündən sonra "Vətən uğrunda" və "Xocavəndin azad olunmasına görə" medalları ilə təltif edilib.
Elşən Sahib oğlu Babazadə 1996-cı il aprelin 4-də Qəbələ rayonunun Mıxlıqovaq kəndində anadan olub.
O, Vətən müharibəsi zamanı Zəngilan və Cəbrayıl istiqamətlərində gedən döyüşlərdə iştirak edib və sentyabrın 12-də şəhid olub.
Elşən Babazadə ölümündən sonra "Cəbrayılın azad olunmasına görə", "Vətən uğrunda", "Zəngilanın azad olunmasına görə" medalları və "Azərbaycan Bayrağı" ordeni ilə təltif edilib.
Abit Asif oğlu Məmmədov 1994-cü il aprelin 4-də Oğuz rayonunun Dəymədərə kəndində anadan olub. 2000-ci ildə şəhid Elburus Haşımov adına Dəymədərə kənd tam orta məktəbinə daxil olub, 2011-ci ildə həmin məktəbi bitirib. Ailəli olub, Əli adlı övladı yadigar qalıb.
Abit Məmmədov Azərbaycan Silahlı Qüvvələrində müddətli həqiqi hərbi xidmət keçib. O, Murovdağ döyüşlərində iştirak edib və oktyabrın 4-də qəhrəmancasına şəhid olub.
Abit Məmmədov ölümündən sonra "Vətən uğrunda", "Kəlbəcərin azad olunmasına görə" və "Hərbi xidmətlərə görə" medalları ilə təltif edilib.
