Şimal bölgəsinin bir sıra rayonlarında son günlər iri ölçülü çəyirtkələrin kütləvi şəkildə görünməsi sakinlərin narahatlığına səbəb olub.
Məsələ ilə bağlı Shimal.News-a danışan sakinlərin sözlərinə görə, uzunluğu təxminən 5-9 santimetr olan çəyirtkələr xüsusilə gecə saatlarında daha aktiv olurlar. Onlar açıq qapı və pəncərələrdən evlərə daxil olurlar.
Sakinlər bildirirlər ki, bu çəyirtkələr əsasən əkin sahələrinə ziyan vurur. Onların sözlərinə görə, əvvəlki illərlə müqayisədə bu il belə hallara daha çox rast gəlinir.
"Keçən illərdə bu qədər çəyirtkə görmürdük. Bu il demək olar ki, hər evdə, hər həyətdə var. Ən çox da əkin sahələrinə ziyan vururlar", - deyə sakinlər bildiriblər.
