Azərbaycanda martın 25-nə olan hava proqnozu açıqlanıb.
Shimal.News-a Milli Hidrometeorologiya Xidmətindən verilən məlumata görə, ölkənin şimal rayonlarında hava şəraitinin arabir yağıntılı keçəcəyi gözlənilir. Ayrı-ayrı ərazilərdə yağıntının intensiv olacağı, şimşək çaxacağı, dolu düşəcəyi, dağlıq ərazilərdə isə qar yağacağı ehtimal olunur.
Qeyd edilir ki, Balakən, Zaqatala, Qax, Şəki, Oğuz, Qəbələ, İsmayıllı, Şamaxı, Siyəzən, Şabran, Xızı, Quba, Xaçmaz və Qusar rayonlarında arabir yağıntılı hava müşahidə ediləcək. Bəzi yerlərdə duman olacaq, mülayim qərb küləyi əsəcək.
Havanın temperaturu gecə 5-9° isti, gündüz 10-15° isti, dağlıq ərazilərdə isə gecə 2-5° isti, gündüz 5-10° isti təşkil edəcək.
Bakıda və Abşeron yarımadasında isə havanın əsasən yağmursuz keçəcəyi, lakin səhər və axşam bəzi yerlərdə qısamüddətli yağış yağacağı gözlənilir.
