Şimal bölgəsində yağıntılı hava şəraiti davam edir, bəzi dağlıq ərazilərdə qar müşahidə olunur.
Shimal.News xəbər verir ki, Milli Hidrometeorologiya Xidmətinin martın 31-i saat 09:00-a olan məlumatına əsasən, qar örtüyünün hündürlüyü Şahdağda 49 sm, Zaqatalanın Əlibəy kəndində 11 sm, Qaxın Sarıbaş kəndində isə 10 sm təşkil edir.
Düşən yağıntının miqdarı Qaxın Sarıbaş kəndində 33 mm, Şəkinin Kişçay ərazisində 32 mm, Zaqatalada 23 mm, Oğuzda 20 mm, Balakən və Şahdağda 17 mm, Xaçmazda 10 mm, Qəbələdə 9 mm, Qusarda 6 mm, İsmayıllı və Qubada isə 5 mm-dək qeydə alınıb.
Martın 30-da küləyin maksimal sürəti Zaqatala və Oğuz rayonlarında 15 m/s-dək güclənib.
Eyni zamanda Balakən, Qaxın Sarıbaş kəndi, Zaqatala, Şəki, Quba və Qusarda duman müşahidə olunur, görünüş məsafəsi 500 metrədək məhdudlaşıb.
