Şimal rayonlarında sentyabrın 7-dən 8-i səhərədək gözlənilən küləkli hava şəraiti ilə bağlı sarı və narıncı xəbərdarlıq verilib.
Bu barədə Shimal.News-a Milli Hidrometeorologiya Xidmətindən məlumat verilib.
Bildirilib ki, Balakən, Zaqatala, Qax, Şəki, Oğuz, Qəbələ, Qusar, Xaçmaz, Şabran, Siyəzən və Xızıda narıncı xəbərdarlığa uyğun olaraq şimal-qərb küləyi əsəcək. Küləyin sürəti 20.8-28.4 m/san-dək güclənəcək.
Quba, Ağsu, Şamaxı və İsmayıllıda isə sarı xəbərdarlığa uyğun olaraq şimal-qərb küləyi əsəcək. Küləyin sürəti 13.9-20.7 m/san təşkil edəcək.
