Anım Gününə həsr olunan "Bir damla qan, min ümidə can" devizi ilə könüllü qanvermə aksiyası keçiriləcək.
Shimal.News xəbər verir ki, aksiya 24 sentyabrda Quba-Xaçmaz və Şəki-Zaqatala regionlarında təşkil olunacaq.
Quba-Xaçmaz regionu üzrə qanvermə aksiyası Respublika Qan Bankı PHŞ-nin Quba bölməsində, Şəki-Zaqatala regionu üzrə isə Respublika Qan Bankı PHŞ-nin Şəki bölməsində keçiriləcək.
Təşəbbüs KOBİA və İş Adamları Cəmiyyətinin Milli Assosiasiyasının birgə təşkilatçılığı, "Marsol Group", "Quba İş Adamlarına Dəstək – QİAD Platforması", "Məlhəm Beynəlxalq Hospital", Milli Hematologiya və Transfuziologiya Mərkəzi və Respublika Qan Bankının tərəfdaşlığı ilə həyata keçirilir.
Aksiyaya sahibkarlar, şirkət əməkdaşları və bütün vətəndaşlar könüllü şəkildə qoşula bilərlər.
Qeyd edək ki, ötən il keçirilən qanvermə aksiyasında 800-ə yaxın şəxs iştirak edib. Bu il isə təşəbbüsün daha geniş əhatə olunması və daha çox insana ümid olması qarşıya məqsəd qoyulub.
"Bir damla qan, min ümidə can!"
