Aprelin 5-i, 12-i və 26-da şimal rayonlarında keçiriləcək olan ümumi (9 illik) orta təhsil səviyyəsi üzrə buraxılış imtahanında iştirak edəcək şagirdlər bu linkdən istifadə etməklə özlərinin imtahana buraxılış vərəqəsini, təhsil müəssisələri isə bütün şagirdlərin imtahana buraxılış vərəqələrini çap edə bilərlər.
Bu barədə Shimal.News-a DİM-dən məlumat verilib.
Bildirilib ki, şagirdlər iş nömrəsini buradan öyrənə bilərlər.
Buraxılış vərəqəsini çap etmək üçün kompüterə Adobe Reader proqramı quraşdırılmalıdır və brauzerin "Pop-up blocked" sahəsindən qeyd işarəsi götürülməlidir. Şəxsiyyəti təsdiq edən sənədində şəkli olmayan şagirdlər buraxılış imtahanı üçün təhsil müəssisəsi tərəfindən verilməli olan arayışı DİM-in saytından yükləyə bilərlər.
Qeyd edilib ki, şagirdlər bitirdikləri məktəbin yerləşdiyi yerə uyğun rayonda (şəhərdə) imtahan verirlər.
Keçmiş məcburi köçkün rayonlarının məktəblərində təhsil alan şagirdlər bitirdikləri təhsil müəssisəsinin yerləşdiyi şəhər və rayonların imtahan gününə uyğun tarixdə imtahan verirlər.
5 aprel
Ümumi (9 illik) orta təhsil səviyyəsi üzrə buraxılış imtahanı – II zona Şəki (I hissə), Şamaxı, Qusar, Siyəzən, Xızı, Şabran
12 aprel
Ümumi (9 illik) orta təhsil səviyyəsi üzrə buraxılış imtahanı – II zona Qəbələ, Oğuz (II hissə),
Ağsu, Xaçmaz (I hissə), Quba (I hissə), tədrisi ingilis dilində olan məktəblər)
26 aprel
Ümumi (9 illik) orta təhsil səviyyəsi üzrə buraxılış imtahanı – III zona Qax, Balakən, Zaqatala, İsmayıllı, Xaçmaz (II hissə), Quba (II hissə)
