İyunun 21-də Şimal bölgəsində hava şəraitinin qeyri-sabit keçəcəyi proqnozlaşdırılır.
Shimal.News xəbər verir ki, Milli Hidrometeorologiya Xidmətinin məlumatına əsasən, Balakən, Zaqatala, Qax, Şəki, Oğuz, Qəbələ, İsmayıllı, Ağsu, Şamaxı, Siyəzən, Şabran, Xızı, Quba, Xaçmaz və Qusar rayonlarında bəzi yerlərdə fasilələrlə yağış yağacağı gözlənilir.
Ayrı-ayrı ərazilərdə yağıntının intensiv olacağı, şimşək çaxacağı və dolu düşəcəyi ehtimal edilir. Şərq küləyi bəzi yerlərdə arabir güclənəcək.
Bölgədə havanın temperaturunun gecə 17–22° isti, gündüz 29–34° isti, dağlıq ərazilərdə isə gecə 13–18° isti, gündüz 20–25° isti olacağı gözlənilir.
Sinoptiklər vətəndaşlara açıq hava şəraitində ehtiyatlı olmağı və mümkün əlverişsiz hava şəraitini nəzərə almağı tövsiyə edirlər.
