Milli Hidrometeorologiya Xidməti küləkli hava şəraiti ilə əlaqədar bir sıra bölgələr üzrə sarı xəbərdarlıq elan edib.
Shimal.News xəbər verir ki, xəbərdarlığa əsasən, iyunun 20-si gündüz saatlarından başlayaraq 22-dək ölkənin bəzi ərazilərində küləkli hava şəraiti müşahidə olunacaq.
Şimal bölgəsində Quba, Qusar, Xaçmaz, Şabran, Siyəzən və Xızı rayonlarında şərq küləyinin əsəcəyi, küləyin sürətinin 13,9–20,7 metr/saniyəyə çatacağı proqnozlaşdırılır.
Mütəxəssislər vətəndaşlara və sürücülərə ehtiyatlı olmağı, açıq ərazilərdə təhlükəsizlik qaydalarına əməl etməyi tövsiyə edirlər.
