Ramazan bayramı münasibətilə Azərbaycanın şimal bölgəsində yerləşən məscidlərdə səhər saatlarında bayram namazı qılınıb.
Shimal.News xəbər verir ki, Quba, Qusar, Xaçmaz, Şabran, Siyəzən, Xızı, Şamaxı, İsmayıllı, Qəbələ, Oğuz, Qax, Şəki, Zaqatala, Balakən və ətraf bölgələrdə yüzlərlə sakin bayram namazında iştirak edib. İbadət evlərinə toplaşan inanclılar birlikdə namaz qılaraq dua edib, ölkəmizdə sülh, əmin-amanlıq və firavanlıq arzulayıblar.
Din xadimləri çıxış edərək Ramazan ayının mənəvi əhəmiyyətindən, orucun insanlara aşıladığı səbir, mərhəmət və paylaşmaq kimi dəyərlərdən danışıblar. Qeyd olunub ki, bu bayram insanlar arasında birlik və həmrəyliyin möhkəmlənməsinə xidmət edir.
Namazdan sonra sakinlər bir-birini təbrik edib, dünyasını dəyişənlərin ruhuna dualar oxuyublar. Bayram münasibətilə məscidlərdə xüsusi ab-hava müşahidə olunub.
