2025-ci ilin tələbə qəbulu nəticələrinə əsasən, 600 və daha yüksək bal toplayan abituriyentlərin payına görə ölkənin ən uğurlu ümumtəhsil müəssisələrinin siyahısı açıqlanıb.
Shimal.News xəbər verir ki, bu barədə məlumat 2025-ci ilin tələbə qəbulu və ümumi təhsil müəssisələri üzrə buraxılış imtahanlarının nəticələrinə dair elmi-statistik göstəricələrin yer aldığı "Abituriyent" jurnalının 12-ci nömrəsində dərc olunub.
Reytinqdə ilk yerlərdə Astara rayonu Ərçivan qəsəbə 3 nömrəli tam orta məktəbi (12 faiz), Fizika, riyaziyyat və informatika təmayüllü Respublika Liseyinin Quba rayonundakı sinifləri (11,86 faiz), Bakı şəhəri 70 nömrəli məktəb-lisey (11,76 faiz) və Gəncə şəhəri 27 nömrəli riyaziyyat-informatika təmayüllü liseyi (11,76 faiz) qərarlaşıb.
Şimal və şimal-qərb bölgəsindən yüksək nəticə göstərən məktəblər arasında aşağıdakılar da yer alıb:
Fizika, riyaziyyat və informatika təmayüllü Respublika Liseyinin Quba rayonundakı sinifləri;
Şəki rayonu Baş Zəyzid kənd tam orta məktəbi;
İsmayıllı rayonu 6 nömrəli şəhər tam orta məktəbi;
Qəbələ rayonu 2 nömrəli şəhər tam orta məktəbi.
Qeyd edək ki, reytinq hazırlanarkən yalnız abituriyentlərinin sayı 20 nəfərdən az olmayan ümumtəhsil müəssisələrinin nəticələri nəzərə alınıb.
