Şimal bölgəsi üzrə abituriyentlərin 2025-ci il qəbul göstəriciləri və ən çox seçdikləri ali təhsil müəssisələri məlum olub.
Shimal.News xəbər verir ki, məlumat Dövlət İmtahan Mərkəzinin 2025-ci il tələbə qəbulu və ümumi təhsil müəssisələri üzrə buraxılış imtahanlarının nəticələrinə dair elmi-statistik materialların yer aldığı "Abituriyent" jurnalının 12-ci nömrəsində dərc olunub.
Statistikaya əsasən, bölgədə 500 və 600-dən yuxarı bal toplayan məzunların sayına görə Şəki və Qəbələ rayonları ilk sıralarda yer alıb.
Rayonlar üzrə nəticələr:
Şəki – 166 nəfər 500-dən yuxarı, 54 nəfər isə 600-dən yuxarı bal toplayıb. Abituriyentlərin ən çoxu Azərbaycan Dövlət Pedaqoji Universitetinə qəbul olub.
Qəbələ – 138 nəfər 500-dən yuxarı, 54 nəfər isə 600-dən yuxarı bal toplayıb. Ən çox qəbul Bakı Dövlət Universitetinə olub.
İsmayıllı – 86 nəfər 500-dən, 30 nəfər 600-dən yuxarı bal toplayıb. Ən çox qəbul Bakı Dövlət Universiteti və Azərbaycan Dövlət Pedaqoji Universitetinə qeydə alınıb.
Zaqatala – 85 nəfər 500-dən, 18 nəfər 600-dən yuxarı bal toplayıb. Ən çox qəbul Azərbaycan Dövlət İqtisad Universitetinə olub.
Xaçmaz – 84 nəfər 500-dən, 19 nəfər 600-dən yuxarı bal toplayıb. Abituriyentlərin ən çoxu Azərbaycan Dövlət Pedaqoji Universitetinə qəbul olub.
Quba – 72 nəfər 500-dən, 14 nəfər 600-dən yuxarı bal toplayıb. Ən çox qəbul Azərbaycan Dövlət Pedaqoji Universitetinə olub.
Balakən – 54 nəfər 500-dən, 8 nəfər 600-dən yuxarı bal toplayıb. Ən çox qəbul Azərbaycan Dövlət İqtisad Universitetinə olub.
Qax – 48 nəfər 500-dən, 12 nəfər 600-dən yuxarı bal toplayıb. Ali təhsil müəssisəsinin adı jurnalda qeyd edilməyib.
Şamaxı – 45 nəfər 500-dən, 10 nəfər 600-dən yuxarı bal toplayıb. Ən çox qəbul Bakı Dövlət Universiteti və Azərbaycan Dövlət Pedaqoji Universitetinə olub.
Oğuz – 44 nəfər 500-dən, 7 nəfər 600-dən yuxarı bal toplayıb. Ən çox qəbul Bakı Dövlət Universiteti və Azərbaycan Dövlət Pedaqoji Universitetinə olub.
Şabran – 34 nəfər 500-dən, 6 nəfər 600-dən yuxarı bal toplayıb. Ən çox qəbul Bakı Dövlət Universiteti və Azərbaycan Dövlət Pedaqoji Universitetinə olub.
Qusar – 32 nəfər 500-dən, 7 nəfər 600-dən yuxarı bal toplayıb. Ən çox qəbul Bakı Dövlət Universiteti və Azərbaycan Dövlət Pedaqoji Universitetinə olub.
Siyəzən – 32 nəfər 500-dən, 13 nəfər 600-dən yuxarı bal toplayıb. Ən çox qəbul Bakı Dövlət Universiteti və Azərbaycan Dövlət İqtisad Universitetinə olub.
Xızı – 13 nəfər 500-dən, 5 nəfər 600-dən yuxarı bal toplayıb. Abituriyentlərin ən çoxu Bakı Mühəndislik Universiteti və Sumqayıt Dövlət Universitetinə qəbul olub.
Statistik göstəricilər bir daha göstərir ki, Şəki, Qəbələ, İsmayıllı, Zaqatala və Xaçmaz qəbul nəticələrinə görə şimal bölgəsinin ən yüksək göstəriciyə malik rayonları sırasında yer alır.
