Şabran rayonunun Ağalıq kəndində içməli su problemi ilə bağlı vəziyyət daha da ağırlaşıb.
Shimal.News -a daxil olan yeni şikayətlərə əsasən, məsul qurumlar problemi həll etmək əvəzinə, dünən kəndin su təchizatını tamamilə dayandırıblar.
Sakinlərin sözlərinə görə, əvvəlki şikayətdən sonra əraziyə baxış keçirilib, lakin problemləri həll etmək əvəzinə, su motorları sökülərək aparılıb və əraziyə qıfıl vurulub. Bunun nəticəsində kənd bir gün tamamilə susuz qalıb:
“Sizin saytınızda problem işıqlandırıldıqdan sonra əraziyə “Azərsu” ASC-nin əməkdaşları gəldi. Kəndin suyunu kəsdiklərinə görə onlara irad bildirəndə isə “şikayət etməsəydiniz, susuz qalmazdınız. İndi susuz qalın” deyib getdilər”.
Bu gün isə kənd camaatına zəng edib deyiblər ki, gedin özünüz suyu təmizləyin və birləşdirin.
