Quba rayonunun Qəçrəş kəndində yolun asfalt örtüyünün demək olar ki, tam yararsız hala düşməsi ilə bağlı məlumat vermişdik.
Problem Shimal.News tərəfindən işıqlandırıldıqdan sonra aidiyyəti qurumlar hərəkətə keçib.
Belə ki, yolun bəzi hissələrində təmir işləri aparılıb və sıradan çıxmış asfalt örtüyü qismən bərpa olunub.
Məsələ ilə bağlı Shimal.News-a Qəçrəş İnzibati Ərazi Dairəsi üzrə Nümayəndəliyindən açıqlama verilib.
Bildirilib ki, Quba-Xınalıq yolunun Qəçrəş kəndindən keçən hissəsində asfalt örtüyünün bəzi yerlərində yaranmış nasazlıqlar nəzərə alınaraq təmir işlərinə başlanılıb.
"Qarşıdan gələn bayram günlərində turistlərin və qonaqların sayının artacağını nəzərə alaraq yolun bəzi hissələrində təmir işləri aparılıb. Hazırda ərazidə işlər davam etdirilir", - deyə açıqlamada qeyd olunub.
