Şabran şəhərinin şəhid Hikmət Qasımov küçəsində baş verən içməli su israfçılığı nəhayət ki, öz həllini tapdı.
Shimal.News tərəfindən su sızması dəfələrlə ictimailəşdirildikdən sonra aidiyyəti qurumlar tərəfindən tədbir görülüb.
Xatırladaq ki, sözügedən ərazidə yanğın hidrantından 10 gündən çox müddətdə fasiləsiz şəkildə içməli su küçəyə axırdı. Bu vəziyyət həm ciddi su itkisinə, həm də ərazidə hərəkətin çətinləşməsinə səbəb olmuşdu.
Məsul qurum olan Şabran Su Meliorasiya Sistemlərinin İstismarı İdarəsi ilkin mərhələdə yalnız paz vurmaqla problemi aradan qaldırmağa çalışıb. Bu öz növbəsində ictimai qınağa səbəb olub.
Shimal.News-un ardıcıl və tənqidi reportajlarından sonra nəhayət pazlar çıxarılıb, hidrant isə tam şəkildə təmir edilərək texniki standartlara uyğun vəziyyətə gətirilib. Hazırda nə küçədə su axını müşahidə olunur, nə də içməli su israf edilir.
