Xalq şairi Səməd Vurğuna məxsus olduğu bildirilən və uzun illərdən sonra Azərbaycana gətirilən "Pobeda" markalı avtomobil bərpa olunub.
Shimal.News xəbər verir ki, tarixi avtomobil xüsusi ustalar tərəfindən əsaslı şəkildə təmir edilərək ilkin görünüşünə qaytarılıb. Uzun müddət istifadəsiz qalan nəqliyyat vasitəsinin həm texniki, həm də estetik vəziyyəti yenilənib.
Qeyd edək ki, "Pobeda" sovet dövrünün ən məşhur avtomobillərindən biri hesab olunur və Səməd Vurğunun istifadə etdiyi avtomobil kimi xüsusi tarixi-mədəni dəyərə malikdir. Avtomobilin yenidən bərpası ədəbiyyatsevərlər və klassik avtomobil həvəskarları tərəfindən maraqla qarşılanıb.
