Ləğv edilmiş "Azərsu" ASC-nin (Açıq Səhmdar Cəmiyyəti) tabeliyində fəaliyyət göstərən "Şəki Sukanal" ASC rəsmi olaraq ləğv olunduğunu elan edib.
Shimal.News xəbər verir ki, bu barədə İqtisadiyyat Nazirliyi yanında Dövlət Vergi Xidmətinin "Vergilər" qəzetində məlumat dərc olunub.
Məlumata əsasən, kreditorlar iki ay müddətində tələblərini Bakı şəhəri, Yasamal rayonu, Moskva prospekti 67 ünvanına təqdim edə bilərlər.
Qeyd edək ki, Prezident İlham Əliyevin 30 mart 2023-cü il tarixli fərmanı ilə su ehtiyatları və meliorasiya sahəsində idarəetmənin təkmilləşdirilməsi məqsədilə Azərbaycan Dövlət Su Ehtiyatları Agentliyi (ADSEA) yaradılıb. Həmin fərmana əsasən, "Azərsu" ASC və "Azərbaycan Meliorasiya və Su Təsərrüfatı" ASC Agentliyin tabeliyinə verilib.
"Şəki Sukanal" ASC-nin ləğvi də bu islahatlar çərçivəsində həyata keçirilən təşkilati dəyişikliklərin tərkib hissəsidir.
