Bu gün Vətən müharibəsi şəhidi Ramil Balabəyovun anım günüdür.
Shimal.News məlumat verir ki, Ramil 2001-ci il fevralın 21-də Qusar rayonunun Köhnə Xudat kəndində anadan olub.
2020-ci il sentyabrın 27-də başlanan Vətən müharibəsində Azərbaycan Ordusunun sıralarında döyüşlərə qatılan qəhrəmanımız, oktyabrın 1-də döyüş tapşırığını yerinə yetirərkən şəhidlik zirvəsinə ucalıb.
R.Balabəyov hərbi hissə qarşısında qoyulmuş tapşırıqları şərəflə icra etdiyinə görə Azərbaycan Prezidenti İlham Əliyevin müvafiq sərəncamları ilə ölümündən sonra "Vətən uğrunda" və "Laçının azad olunmasına görə" medalları ilə təltif olunub.
Yaxınlarının xatirələrinə görə, Ramil Balabəyov təbiəti, heyvanları və quşları sevən, vətənpərvərliyi ilə seçilən gənc idi. Onun xatirəsi döyüş yoldaşlarının və həmkəndlilərinin qəlbində daim yaşayır.
