Zaqatala rayonunun Əliabad qəsəbəsində elektrik təsərrüfatı insanların həyatı üçün təhlükəli saçır.
Shimal.News-a müraciət edən 1-ci briqada sakinləri bildiriblər ki, onlar hər gün qorxu içində yaşayırlar.
"Vəziyyət göründüyü kimi acınacaqlıdır. Küləkli havada işıq dirəyi hər an aşa bilər. 10-15 ailənin yaşadıqları həyətlərdən yaxud evlərinin yanından elektrik xətləri keçir. Plan üzrə bu dirəklər 3-4 il əvvəl kənara çıxarılmalı idi. İşi yarımçılıq qoydular. Dəfələrlə "Azərişıq"a müraciətimiz bir nəticə vermədi", - deyə sakinlər bildirib.
Vətəndaşlar hesab edirlər ki, müvafiq qurumlar hərəkətə keçmələri üçün hansısa bədbəxt hadisə baş verməlidir. Hələ ki, gec deyil, məsələ həllini tapsa yaxşı olar.
