Bakı-Quba yolunun yenilənən hissəsi dekabrın 20-də istifadəyə veriləcək. Bu barədə ShimalNews 9 dekabr tarixində Bizim.Media-ya istinadən məlumat verir.
"Azərbaycan Avtomobil Yolları Dövlət Agentliyinin sədr müavini telefon danışığında məlumat verdi ki, işlər böyük sürətlə davam edir. 6 briqada gecə-gündüz, növbəlilik əsasında işləyir", - deyə millət vəkili Vahid Əhmədov bildirib.
Bu yoldan istifadə edən sürücü və sərnişinlər təmirin yekunlaşmasını səbirsizliklə gözləyirlər. Dağılmış birtərəfli yolda hər iki istiqamətə hərəkət etmək nəqliyyat vasitələri üçün ciddi çətinlik yaradır.
Hazırda magistralın Bakı istiqamətində son tamamlama işləri görülür. Yolun 90 km-lik hissəsi tam asfaltlanıb, təxminən 10 km hissəsində asfaltlama işləri davam edir.
