Qax rayonunda "Vito" avtomobil aşıb, 2 nəfər xəsarət alıb.
Unikal.az-ın məlumatına görə, hadisə Şəki-Qax avtomobil yolunun Əmbərçay kəndindən keçən hissəsində baş verib.
Sürücü Bakı şəhər sakini 29 yaşlı Elşən Eldar oğlu Abdullayev idarəetməni itirib və avtomobil yol kənarına aşıb. Nəticədə o və 70 atası Eldar Əbülfəz oğlu Abdullayev müxtəlif dərəcəli bədən xəsarətləri alıblar.
Həmin şəxslər Təcili Tibbi Yardım avtomobili ilə Qax rayon Mərkəzi Xəstəxanasına yerləşdiriliblər. Eldar Abdullayevin vəziyyəti orta-ağır qiymətləndirilir.
Faktla bağlı araşdırma aparılır.
