Şahdağ Milli Parkında həyata keçirilən reintroduksiya proqramı uğurla davam edir. Görülən tədbirlər nəticəsində Avropa zubrlarının sayı ildən-ilə artır.
Shimal.News xəbər verir ki, nadir heyvan növü olan Avropa zubrları yenidən Azərbaycanın təbii ekosisteminin ayrılmaz hissəsinə çevrilməkdədir.
Hazırda onlar Böyük Qafqazın meşələrində sərbəst yaşayır, digər vəhşi heyvanlarla birlikdə təbii mühitə uyğunlaşaraq ekoloji tarazlığın qorunmasına və meşə ekosisteminin bərpasına mühüm töhfə verirlər.
Qeyd edək ki, Avropa zubrlarının Azərbaycana qaytarılması biomüxtəlifliyin qorunması istiqamətində həyata keçirilən ən uğurlu layihələrdən biri hesab olunur. Bu proqram sayəsində uzun illər əvvəl regiondan yox olmuş növ yenidən təbiətə qaytarılır və populyasiyası tədricən artır.
