Xaçmazın Xudat şəhəri, 4-cü şöbə adlanan ərazisində ilk dəfə təbii qaz verilib.
Shimal.News xəbər verir ki, təbii qazın verilməsi münasibətilə mərasim keçirilib. Burada icra başçısı Elnur Rzayev, SOCAR-ın “Azəriqaz” İstehsalat Birliyinin təmsilçiləri, ictimaiyyət nümayəndələri və sakinlər iştirak ediblər.
Tədbirin rəsmi hissəsindən əvvəl qazın verilməsini bildirən rəsmi sənədlər abonentlərə təqdim olunub. Həmçinin, rəmzi məşəl alovlandırılıb, Vətən müharibəsi qazisi Elman Quliyevin mənzilinə ilk dəfə mavi yanacaq verilib.
