Şabran-Xaçmaz avtobus marşrutlarından istifadə edən sərnişinlər qiymət artımından şikayətçidirlər.
Onlar Shimal.News-a müraciət edərək bildiriblər ki, Şabranın Məliklər, Uzunboyad, Rəhimli və Ağalıq kəndlərinə gediş haqqı ilin ilk həftəsinə qədər 70 qəpik olduğu halda, artıq 80 qəpiyə gədər artırılıb. Halbuki, Tarif Şurasının müvafiq rəsmi qərarı olmayıb.
“Bu qanunsuz artım əhali arasında böyük narazılıq yaradıb. Dəfələrlə marşrutu idarə edən şəxsə iradlar bildirilib. O, isə qiymət artımını "vergi haqqının qalxması" ilə əsaslandırıb. Sonra isə eşidəndə ki, müvafiq dövlət qurumlarına müraciət olunacaq "narahat olmayın, həll tapılacaq" vədlər verərək heç bir addım atmayıb”, - deyə sakinlər bildirib.
Məsələ ilə bağlı Azərbaycan Yerüstü Nəqliyyat Agentliyi Shimal.News-un sorğusuna cavab olaraq bildirilib ki, araşdırmaya başlanılıb və ictimaiyyətə məlumat veriləcək.
