Azərbaycanda növbəti istilik mövsümünə sabahdan start veriləcək.
Shimal.News-a “Azəristiliktəchizat” ASC-dən bildirilib ki, hazırda qurumun balansında olan 3 871 yaşayış binası, o cümlədən təxminən 185 min mənzil, 449 təhsil müəssisəsi (məktəb və bağçalar), 152 səhiyyə obyekti və 2 224 sosial-təsərrüfat təyinatlı obyekt mərkəzləşdirilmiş qaydada istiliklə təmin olunur.
2025–2026-cı illər payız-qış mövsümünə hazırlıq çərçivəsində qazanxanalar, istilik şəbəkələri, ölçü cihazları, avtomatika sistemi, qaz və elektrik təsərrüfatı üzrə işlər görülüb. Bu il 1 000 km-dən çox istilik xətti hidravlik təzyiqə yoxlanılıb, 10 km-dən artıq magistral və məhəllədaxili xətt yenilənib.
Ölkə üzrə istilik mövsümü 2025-ci il aprelin 15-nə qədər davam edəcək.
Nazirlər Kabinetinin qərarına əsasən, respublikanın dağlıq rayonlarında istilik verilişinə artıq noyabrın 1-dən start verilib. “Azəristiliktəchizat”ın qazanxanalarının yerləşdiyi 9 dağ rayonunda (Şuşa, Qəbələ, Quba, Qusar, Xaçmaz, Siyəzən, Şabran, Lerik, Şamaxı) ümumilikdə 39 qazanxana və 1 istilik məntəqəsi fəaliyyət göstərir. Bu rayonlarda istilik mövsümü 2025-ci il mayın 1-nə qədər davam edəcək.
