Sabah Xaçmaz, Şəki, Oğuz, Qax, Zaqatala və Balakən rayonlarında qaz olmayacaq.
Shimal.News xəbər verir ki, saat 08:00-dan işlər yekunlaşanadək qazın verilişi dayandırılacaq.
Məlumata əsasən, fasilə aşağıdakı əraziləri əhatə edəcək:
- Xaçmaz rayonu 26 kənd, 1 şəhər və 2 qəsəbə olmaqla ümumilikdə 10967 abonenti;
- Şəki şəhəri və 45-ə yaxın kənd (ümumilikdə 32 500 əhali və 553 qeyri-əhali abonenti);
- Oğuz şəhəri və 24 kənd (təxminən 9 600 əhali və 132 qeyri-əhali abonenti);
- Qax şəhəri və 23 kənd (11 333 əhali və 243 qeyri-əhali abonenti);
- Zaqatala şəhəri və 25 kənd (ümumilikdə 25 minə yaxın abonent);
- Balakən şəhəri, 1 qəsəbə və 27 kənd (ümumilikdə 22 minə yaxın abonent).
